معجزة الإنسان
بالحمد والشكر والعرفان
نسجد لخالق الأكوان
علشان خلقنا كده إنسان
ومن كل خلقه فينا مثال
ساعات تحس وجود حيوان
بالشهوة و الرغبة فى أحيان
وتقود وتدفع بالإنسان
لطريق بيشبه بالإدمان
وكأنه مخلوق كده من جان
او حتى نسل من الشيطان
وساعات تحس كأنه نبات
يزرع فى بذرة تصير حسنات
وكأنه يعنى برضه ملاك
والخير سماده فى كل حالات
وساعات بيزرع فى سيئات
بحصاد جهنم ومنازعات
يكبر فى شجرة فى وقت الصيف
ويموت كورقة فى فصل خريف
وساعات من الفرحة بيطير
بجناح فراشة وريش عصافير
وساعات بيغرق سمكة فى بحر
من الهم والحزن والقهر
وساعات تحس كانه جبال
بيشيل آلام وكمان أحمال
فقر ومرض مع ضعف الحال
وهموم وظلم مع الأحزان
وساعات تحس كانه جماد
والقلب مقفول بالأوتاد
يشوف فى ظلم وقتل حالات
لا يحركه فى أنين وآهات
ويقول كفاية أكون بالذات
بعيد وسالم فى إحتمالات
يسرق وينهب حتى اخوه
و يقتل فى امه وحتى ابوه
وعشان كده صار الإنسان
لكل خلقه يعنى مثال
حيوان نبات او برضه جماد
ملاك شيطان او حتى جبال
سجود وحمد مع العرفان
جحود بنعمة مع النكران
تغييرات و متناقضات
لنار وجنة فى اى حالات
وفى النهاية احنا عباد
نسجد لخالق المخلوقات
يا رب يا خالق الأكوان
ارحم فقيرك الإنسان.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق