،،،،،،،،(تقصير واضح)،،،،،،،،
تعبان ولكن مستحي
ياشهيد ودمك لينا ذاد
تقصيري واضح مطرحي
وهقوله على مرمى العباد
ياعيني ابكي ونوحي
على شاب ذنبه انه أجاد
على ناس في دنيا بتتمحي
وماهمهم غير الرشاد
ابكي على الامن المركزي
واعلن كمان تاني الحداد
وياعيني إبكي وركزي
على كل عين خدها الحصاد
شيلي السلاح وإتعززي
وإتدربي رغم السهاد
يابلدنا جندك جهزي
حرام ياناس نرمي الولاد
شايلين سلاح مااتدربوش
سلاح وجاهز للجهاد
وقت الكفاح مين راح يحوش
وسلاحي ماعرفش المراد
سلاح على كتف الوحوش
وفي العلام ناقص مداد
وعدونا مابيرحموش
وفي العلام تعليم موساد
والشرطة ليه مابيستحوش
وتقدم الجندي في ميعاد
ونضحي ليه بشباب وفي
زهرة وتطرح يوم سماد
ماتعلموه كِيف يختفي
وبالسلاح يصبح عماد
مانعلموا معنى الدفاع
من قبل مايصبح رفاد
زي الكلام سمعا وطاع
يحمي الوطن من غير عناد
وندربوا ع. المستطاع
على كل شئ فيه العتاد
يستخدمه بكل البراع
يستخدمه وقت الفساد
وفي السلاح يبقى له باع
وامتى يستنى المداد
يامن تركتوه في المتاع
الجندي روحه لينا ذاد
ياكل واحد له وباع
ماتعلموه ركب الجياد
وإزاي يكون شاب عفي
على نفسه يقدر يبقى زاد
لو شال سلاح عنه خفي
الموت على راسه وعاد
،،،،،،،،،،،،(شعر)،،،،،،،،،،،
عبد الله السايح
ليست هناك تعليقات:
إرسال تعليق